陳啟泰演國際刑警有大反差 艾威扮黑幫大佬坐監書不離手

【星島日報報道】網劇《蝕日風暴》除由港、台兩大男神張智霖（Chilam）、王陽明擔正，薛凱琪和梁靖琪等主演外，還雲集一眾好戲之人，包括秦沛、劉兆銘、羅家英、許紹雄、盧惠光、林嘉華、麥長青、陳啟泰、艾威、張松枝等。 久未拍劇的陳啟泰在劇中飾演國際刑警郭Sir，坦言入行廿多年，以往多數做主持、或飾演專業人士，就連扮疆屍都要著住西裝，今次劇組原本找他扮警察，他都推了，因為他想做些好玩的角色，最好是變態佬或者殺人犯。他說：「後來佢哋提議我演出另一角色，啱晒喇，正正係我想做嘅野。」「郭Sir」直言角色會有大反差，叫大家記得留意。與Chilam有多場對手戲，陳啟泰笑言似足聚舊：「同Chilam識咗好多年，大家有共同朋友，細個成日一齊出去玩，不過合作都真係第一次，所以都好珍惜呢個機會。」 「綠葉王」艾威再度飾演監獄中黑幫大佬，艾威坦言角色有別一般囚犯，在演繹上較具層次，「今次喺創作上有啲分別，我將佢設計成比較斯文、有啲文化背景，所以我要求喺監獄里面要有本書跟身，係一個不斷求進、識得自我增值嘅角色。」為此他在造型上下了不少苦功，說：「監犯衫都係一樣，唯有喺髮型上花啲心思。事先做咗功課，知道里面容許犯人將個頭梳得整整齊齊，於是我就以一個整齊嘅髮型同大家見面。」艾威更透露，劇中一場監獄暴動戲相當有睇頭：「打鬥場口令人難忘，今次我都有參與呢個大型場面，不過因為係大佬，所以就指揮居多。」另外，許紹雄演Chilam的人生導師、盧惠光是Chilam和王陽明決裂的導火線、劉兆銘是次挑戰大反派角色等。

睇更多